13. október 2009 15:27

Ein með öllu - voguð nautasúpa

Náttúruleg heit og holl, upplagt að elda daginn áður og afgangarnir eru úrval í ísskápnum næstu daga. Þessi uppskrift hefur hlotið mjög góða dóma og fyllilega staðið undir væntingum notenda kjot.is.    600 gr    nautagúllas  1     laukur saxaður  1 búnt     steinselja m/stilk-söxuð-ef ekki til þá þurrkuð  2 msk    tómtpurre  1 tsk  timian  1/2 tsk  salt    svartur pipar  2    lárviðarlauf  8 dl    kjötsoð-vatn og nautakraftur einfalt og gott  2 dl  rauðvín ( má sleppa)     Þetta er soðið í 60 mín.    2    gulrætur  3    kartöflur  1  púrra    Skorið smátt og bætt í súpuna og soðið áfram í 15 mín.   100 gr    sveppir  50 gr  beikon  2   hvítlauksrif – pressuð     Skorið í litla bita og steikt lítilsháttar. Þessu bætt í súpuna og soðið enn í smástund. Hún hefur þá soðið í nær 90 mín. Ausið súpunni upp í fallegar skálar fyrir hvern og einn og berið fram með toppi úr fitulitlum sýrðum rjóma og góðu grófu brauði. Súpan er mjög góð daginn eftir og einnig daginn þar á eftir!

 

Til baka

yfirlit uppskrifta